راچڵەكین-
بەڕێوەبەرایەتی گشتی هاتوچۆی سلێمانی داوا لەمووچەخۆران دەكات لەكایت وەرگرتنی مووچەكانیان لەبانكەكان و ئامێرەكانی ATM ئۆتۆمبێلەكانیان لەشوێنی گونجاو پارك بكەن.
رۆژی چوارشەممە 15ی تەمووزی 2026 هاتوچۆی شاری سلێمانی لەراگەیەندراوێكدا داوای لەمووچەخۆران كردووە، لەكاتی وەرگرتنی مووچەكانیان لەبانكەكان و ئامێرەكانی ATM ئۆتۆمبێلەكانیان لەشوێنی گونجاو پارك بكەن و ئاستەنگی هاتووچۆیی و لۆد بۆ شۆفێرانی دیكە دروست نەكەن.
ئەوەش ڕوونكراوەتەوە:" وەك تێبینی كراوە بەشێك لەو بەڕێزانەی مووچەكانیان وەردەگرن بەشێوەیەكی نادروست و نایاسایی لە نزیك بانك و ئامێری ATM كان ئۆتۆمبێلەكانیان پارك دەكەن كە ئەمەش دەبێتە هۆی دروست بوونی ئاستەنگ و قەرەباڵغی."