جاڵجاڵۆكه‌ی سوور
ڕاچڵه‌كین-
بە بەرزبوونەوەی پلەی گەرمی و وشکبوونی کەش و هەوا ، مەترسی تووشبوون بە جاڵجاڵۆکەی سوور دروست دەبێت و زیاد دەکابەتایبەتی ئەم مەترسییە لەناو خانوی پلاستیکیدا زۆرە و تایبەت تر تووشی خەیار و تەماتە دەبێت.
جاڵجاڵۆکەکە لە لوتکەی ڕووەکەکەوە دەست دەکات بە تەنینی تۆڕەکەی و ئەگەر فریای نەکەوین، لە ماوەیەکی کەمدا تەواوی ڕووەکەکە دەتەنێتەوە و پاشان وشکی دەکات.
بۆ ئەوەی دووربیت لە تووش بون بەم جاڵجاڵۆکەیە پێویستە ئاودان ڕێک بخرێت و هەوڵ بدرێت دەوروبەری ڕووەکەکەت شێی هەبێت و بە تەواوی وشک نەبێت.
گرنگی دان بە پاکژی گەڵا و دەوروبەری ڕوەکەکانت ، بە تایبەتی پاککردنەوەی گەڵای ڕووەکەکان لە تەپوتۆز ، هەروەها لە نوسینگە کشتوکاڵییەکان دەرمانی تایبەتی جاڵجاڵۆکەی سوور هەیە دەتواندرێت بەکاربهێندرێت لە کاتی بەدیکردنی ئەم جاڵجاڵۆکەیە.
ئا: دەوەن سەردار حەمە عەلی
ئەندازیاری کشتوکاڵی