راچڵەكین -

دوای راگەیاندنی ئەنجامی زانكۆلاین بۆ دەرچوونی 12ی ئامادەیی، وەزارەتی خوێندنی باڵا و توێژینەوەی زانستی، رێكارەكانی شوێن گۆڕینی بڵاوكردەوە.

وەزارەتەكە لە راگەیەندراوێكدا كە ئەمڕۆ یەكشەممە 4-10-2026 بڵاویكردووەتەوە، سێ هەنگاوی وەك رێكاری شوێن گۆڕین دیاریكردووە، كە ئەمانەی خواروەن:

١- هەنگاوی یەكەم: سەرەتا پەیوەندی بكەن بەو شوێنەی ناوت لێی گەڕاوەتەوە.

٢- هەنگاوی دووەم: لەڕێگەی سیستمی زانكۆلاین داواكاری بۆ شوێن گۆڕین پێشكەش بكە.

٣- هەنگاوی سێیەم: هەموو پرۆسەكە لەڕێگەی سیستمی زانكۆلاین تەواو دەكرێت پێویست ناكات سەردانی وەزارەت بكەیت.