کوڕەکانی خاشقچی: لە بکوژانی باوکمان خۆش دەبین

جیهان

پێش 2 هەفتە     ژمارەی بینراو 238

راچڵەکین-

کوڕەکانی رۆژنامەنووسی سعودی جەمال خاشقچی رایانگەیاند، لە بکوژانی باوکیان خۆشدەبن.

شەوی رابردوو سەڵاح خاشقچی کوڕی جەمال خاشقچی، لە جریوەیەکدا لە تۆڕی کۆمەڵایەتی تویتەر نووسیویەتی، لەم شەوە پیرۆز و گەورەیەی مانگی رەمەزاندا ئەو فەرمودەیەی خوای گەورەمان بیردێتەوە كە دەفەرموێت:"ئەوەی لەكەسێك خۆشببێت و ئاشتەوایی دروستبكات، خوا پاداشتی دەداتەوە".

هەروەها نووسیویەتی:" لەو سۆنگەیەوە ئێمە کوڕانی خاشقچی شەهید لە بکوژانی باوکمان خۆشدەبین و پاداشتەکەمان لە خودا وەردەگرینەوە."

جەمال خاشقچی ٢ی تشرینی یەکەمی ٢٠١٨ لە کۆنسوڵخانەی سعودیە لە ئیستانبوڵ دەستگیرکرا و لەلایەن کارمەندانی کونسوڵخانەکەوە بێسەروشوێنکرا. بەھۆی دیارنەمانی تەرمەکەی، تا ئێستا هۆکاری مردنەکەی و چۆنێتی رووداوەکە ئاشکرا نەکراوە. 

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن