راچڵەکین-
بەڕێوەبەرایەتی پۆلیسی هەولێر روونکردنەوەیەکی بڵاوکردەوە و تیایدا داوای لە هاوڵاتییان کردووە، ئەو تابلۆیانەی کە لە لافاوەکەدا دۆزیویانەتەوە رادەستی هاتووچۆی بکەن.
دەقی روونکردنەوەکەی پۆلیسی هەولێر:
ڕوونکردنەوەیەک لە بەڕێوەبەرايەتی پۆلیسی پارێزگای هەولێرەوە.
پۆلیسی هەولێر داوا لەو هاووڵاتییانە دەکات کە لە ئەنجامی لافاوەکەی شاری هەولێر تابلۆی ئۆتۆمبێلیان دۆزیوەتەوە، تابلۆکان ڕادەستی هیچ پەڕە و ئەکاونتێکی سۆشیال میدیا نەکەن.
داواکارین تابلۆکان ببەن بۆ بەڕێوەبەرایەتییەکانی هاتوچۆ، پۆلیسی پارێزگای هەولێر، بەشی پۆلیسی ونبووەکان، یان نزیکترین بنکەی پۆلیس و کەرتی هاتوچۆ، بۆ ئەوەی بگەڕێنرێنەوە بۆ خاوەنە کەی.
هاوکاریتان جێگای رێزو پێزانینە.