راچڵەكین-
دەسەڵاتی دادوەری عیراق یاداشتی دەستگیركردن بۆ چەند تۆمەتبارێك دەردەكات كە تێوەگلاون لە بەقاچاغبردنی نەوت لە جورف ئەلسەخر.
پێشتر عەلی زەیدی، سەرۆكوەزیرانی عیراق 9 بەرپرسی لە كەرتی ئەمنی و وزە لە سنووری پارێزای بابل دوورخستەوە، پاش بڵاوبوونەوەی چەند بەڵگەیەك لەسەر بەقاچاغبردنی نەوت لە جورف ئەلسەخر، هاوكات رفەرمانیكرد بە دادگاییكردنی سەرجەم ئەو كەسانەی لەو دۆسێیەدا تێوەگلاون.
ئاشكراكردنی ئەو دۆسێیە دوای ئەوە هات كەناڵی سكای نیوز چەندین بەڵگەنامەی هەواڵگری عیراقی بڵاوكردەوە كە تێیدا بەڕوونی باس لە بەقاچاغبردنی نەوت دەكرێت لە جورف ئەلسەخر لەلایەن گرووپێكی چەكداری.
لەنوێترین هەڵوێستیشدا حەیدەر عەبودی، وتەبێژی حكومەتی عیراق، لە چاوپێكەوتنێكدا ئاماژەی بەوەكردووە، بڕیاری چوونە ناو جورف لسەخر دراوەو دەبێت كۆنتڕۆڵی تەواوەتی ناوچەكە بگەڕێتەوە ژێر دەستی هێزە ئەمنیەكانی حكومەتی عیراق.
ئەوەشی ڕوونكردەوە، حكومەتی عیراق مۆڵەتێكی دیاریكراویی داوەتە ئەو گروپەی كۆنتڕۆڵی ناوچەكەی كردووە بۆ چۆڵكردنی، وتیشی، مۆڵەتەكە كاتێكی دوور نییەو بەم نزیكانە پرۆسەكە جێبەجێ دەكرێت.
بەگوێرەی زانیارییەكان، عەلی فالح زەیدی، سەرۆكوەزیرانی عیراق مۆڵەتی تا ڕۆژی هەیینی داهاتوو داوە بە گرووپی حیزبوڵڵا تا ناوچەی جورف ئەلسەخر چۆڵ بكەن.