فەرماندەیەكی گروپە چەكدارەكانی سووریا كوژرا

جیهان

14 خولەک پێش ئێستا     ژمارەی بینراو 6

راچڵەكین -

لەسنووری پارێزگای حەلەب، دەستڕێژی گوللە لە فەرماندەیەكی گروپە چەكدارەكانی سووریا كرا و كوژرا.

میدیاكانی ناوخۆی سووریا بڵاویانكردەوە، ئەمڕۆ سێشەممە 17-11-2026، فەرماندەیەكی گروپە چەكدارەكانی سووریا بەناوی ئەبو حەمید حەربی، لەنزیك بنكەی ئاسمانیی كویرس لە رۆژهەڵاتی پارێزگای حەلەب، لەلایەن كەسانی نەناسراوەوە دەستڕێژی گوللەی لێكرا و كوژرا.

بەگوێرەی زانیارییەكان، ئەبو حەمید حەربی كە یەكێك بووە لە فەرماندەكانی گروپی تیرۆریستیی سوپای ئازادی سووریا، تۆمەتبارە بە دزینی موڵك و ماڵی هاووڵاتیانی شاری سەرێ كانی و گوندەكانی دەوروبەری لە رۆژئاوای كوردستان.

تائێستا لایەنە فەرمییەكانی سووریا هیچ زانیارییەكیان لەبارەی كوژرانی ئەو فەرماندەیەی سوپای ئازادی سووریاو هۆكاری كوشتنەكەی بڵاونەكردووەتەوە.

داگرتنی ئەپی راچڵەکین بۆ ئەندرۆید

داگرتنی ئەپی راچڵەکین بۆ ئایفۆن