ڕاچڵەكین-كامەران كەریم
بەڕێوەبەرایەتی تەندروستی چەمچەماڵ ئەنجامی پشكنینی 90 هاوڵاتیی قەزاكە ئاشكرا دەكات، كە لە دوو رۆژی رۆژدا بۆیان كرابوو، بەڕێوەبەری فەرمانگەكەش دەڵێت: سەرجەم ئەنجامەكان نێگەتیف بوون.
د.فەرهاد محەمەد، بەڕێوەبەری تەندروستی چەمچەماڵ، رایگەیاند:" لەبەردەوامی كارو چالاكییەكانی پسپۆڕان و كارمەندانی بەشی تاقیگەكانی بەڕێوەبەرایەتیمان، دوای دابینكردنی ئامێری پشكنینی ڤایرۆسی كۆرۆنا RT - PCR لە دوو رۆژی رابردودا لە رێگەی تیمێكەوە هەڵسان بە ئەنجامدانی 90 پشكنینی ڤایرۆسی كۆرۆنا بۆ كارمەندانی كۆمپانیای دانە غاز و نەوتی هیلال و كارمەندانی هەڵگەرەوەی مین.
ئاشكراشیكرد، خۆشبەختانە ئەنجامی سەرجەم پشكنینەكان نێگەتیف بوون، هیچ كامیان هەڵگری ڤایرۆسی كۆرۆنا نەبوون.