گیانلەدەستدان بەهۆی كۆرۆنا ژمارەیەكی نوێی تۆماركرد

راچڵەكین-

لیژنەی نیشتمانی تەندروستی چین، ئاشكرایكرد، تا رۆژی  سێشەممە 18-2-2020 ژمارەی تووشبووان بەڤایرۆسی كۆرۆنا لەو وڵاتە گەیشتووەتە 73 هەزارو 255 كەس.

بەگوێرەی ئاماری ئەو لیژنەیە، لەهەمان كاتدا ژمارەی ئەو كەسانەی دوای تووشبوونیان بە ڤایرۆسی كۆرۆنا گیانیانلەدەستداوە گەیشتووەتە هەزارو  868 كەس كە زۆرینەیان لەناوچەی هۆبی، پایتەختی هەرێمی ووهان تۆمار كراون كە بە سەرچاوەی بڵاوبوونەوەی ئەو ڤایرۆسە ئەژمار دەكرێت.

 

هاوكات ژمارەی تووشبووان بەڤایرۆسی كۆرۆنا لە دەرەەی چین گەیشتووەتە 827 كەس لە 26 دەوڵەت و ناوچە، جگە لەگیانلەدەستدانی 5 كەس بەهۆی هەمان ڤایرۆس.

نیشانەكانەكانی ڤایرۆسی كۆرۆنا هاوشێوەی سەرمابوونن، كە پێكدێن لە سەرئێشە، ئاو لە لووت هاتن، كۆكە، تا، هەناسەتەنگی، ئازاری جەستە و لەرز، كە هەموو كات بەم شێوەیە سادە نییە، هەندێكجار هۆكاردەبێت بۆ هەوكردنی سییەكان و لوولەكانی هەوا، رەنگە تووشبووەكە بكوژێت. 

رێگەكانی خۆپاراستن لە ڤایرۆسەكەش ئەمانەن: خۆدوورگرتن لە تووشبووان یان ئەوانەی نیشانەكانیان تێدا دەركەوتووە، دەستشۆردن بە سابوون و ئاو بە بەردەوامی، بەستنی دەمامك، خۆدوورگرتن لە ئاژەڵان و بەشێوەیەكی راستەوخۆ دەستیان لێنەدرێت.