بڕیارە (ئەمریكا و عێڕاق) لە ناوەڕاستی مانگی داهاتوو (واتە دوای تەنها ۲۰ ڕۆژی تر) پێداچوونەوەیەكی گشتگیر بە ڕێكەوتنامەی ستراتیژی ناسراو بە (سۆفا) بكەن، بە مەبەستی ڕێكخستنەوە و داڕشتنەوەی سەرجەم بەندەكانی ڕێكەوتنەكە لە هەموو ڕووەكانەوە: (سیاسی، سەربازی، یٔابووری، هەوڵگەری، كەلتوری، سەروەری عێڕاق، ڕۆڵی ئێران لە عێراق، چارەنوسی حەشدی شەعبی، دادگایكردنی بكوژانی خۆپیشاندەرانی عێڕاق....هتد)
ئایا ئەجێندای هەرێمی كوردستان چیە بۆ بەشداریكردن لە دانوستانەكانی یٔەمریكا و عێڕاق؟
ئایا هەرێمی كوردستان تەنها تەماشاكار دەبێت وەك ڕێكەوتنامەی پێشوی (سۆفا)ی ساڵی (٢٠٠٨)ی نێوان ئەمریكا و عێڕاق؟
ئایا سەركرادیەتی هەرێمی كوردستان پێویستە چی بكات؟
سەركردایەتی سیاسی كوردستان پێویستە خۆی ئامادە بكات و هەنگاوی خێرا بنێت بەمەبەستی بەشداریكرن و حازر بوون لە دانوستانەكان و پێویستە ئەم خاڵانەی خوارە لەبەرچاو بگرێت:
١- گرنگترین هەنگاو كە پێویستە كورد بیهاوێژێت (لەم ماوە كورتەی لەبەردەمیدایە كە تەنها ۲۰ ڕۆژە تاكو ناوەڕاستی مانگی شەش) بریتیە لە بە جدی وەرگرتنی یٔەم دانوستانانە نوسینەوەی ئەجێندایەكی یەكگرتوو لە پێناو خۆ یٔامادەكردن بۆ گفتوگۆكان.
٢- بە خێرایی پڕكردنەوەی پۆستی وەزیری دەرەوە كە پشكی (كورد و پارتیە) چونكە ڕۆڵێكی گرنگی دەبێت لە دانوستانەكانی ئەمریكا و عێڕاق، ئەویش لە ڕێگای كاندیدكردنی كەسێك كە كۆدەنگی شیعە و سونەی لەسەر بێت تاكو لە پەرلەمانی عێڕاق دەنگی پێویست بەدەست بهێنێت.
۳- پێكهێنانی وەفدێكی كوردی لە نوێنەرانی كورد لە بەغدا كە بریتی بن لە كەسانی شارەزا و پسپۆڕ لە بواری دانوستان و یاسایی و دیبلۆماسی، بۆ ئەوەی یٔەگەر نەشتوانن ڕاستەوخۆ بەشداری دانوستانەكان بكەن، ڕۆڵی ڕاوێژكار ببینن بۆ ئەو یٔەندامە كوردانەی بەشدارن لە گفتوگۆ و دانوستانەكان.
٤- پێویستە كورد فشار بكات بۆ ئەوەی ئەمجارە (محەلی لە ئیعڕاب)ی ڕێكەوتنە ستراتیژیەكەدا هەبێت.
٥- پێگەی ستراتیژی هەرێمی كوردستان بۆ یٔەمریكا گرنگە (هەر لەبەر یٔەوەش بوو ئەمریكا سیستەمی پاتریۆتی لە هەولێر جێگیر كرد) بۆیە پێویستە هەرێمی كوردستان هەوڵبدات سود لە پێگەی خۆی وەربگرێت و لە دانوستانەكاندا قسەی خۆی هەبێت.
٦- ئەگەر سەركردایەتی سیاسی كوردستان یٔاگادار نەبێت و یٔامادەیی نەبێت لە دانوستانەكان، ڕەنگە بەشێك لە لێكەوتەكانی ڕێكەوتنەكە بە خراپ بۆ سەر هەرێم بشكێنەوە.
٧- دەكرێت لەنێو هەموو ڕێكەوتنێكدا كۆمەڵێك دەرفەت و هەڕەشە بوونیان هەبێت بۆیە پێویستە هەرێمی كوردستان بە ئاگا بن و یٔەم دانوستانانەی ئەمریكا و عێڕاق بە جدی وەربگرن و خۆیانی بۆ ئامادە بكەن.
٨- بەشێكی گرنگی داهاتووی سیاسی و ئابووری عێڕاق و هەرێمی كوردستان بەندە بەم ڕێكەوتنەوە.
٩- تڕەمپ پێویستی بەم ڕێكەوتنە هەیە بۆ یٔەوەی سەرنجی ڕای گشتی یٔەمریكا بەلای خۆیدا ڕابگێشێت چونكە دوای نزیكەی پێنج مانگی تر تڕەمپ لەبەردەم پڕۆسەی هەڵبژاردنی سەرۆكایەتیدایە لە (٢٠٢٠/١١/٣) بۆیە پێویستی بە یٔەنجامدانی یٔەم ڕێكەوتنە هەیە تاكو پێگەی ئەمریكا لەعێڕاقدا بەهێز بكات و تەرازووی هێز لەعێراقدا لەبەرژەوەندی خۆی بشكێنێتەوە و عێڕاقیش لەژێر هەژموونی ئێران دەربهێنێت، بەمەبەستی بەرزكردنەوەی ئاستی دەنگەكانی بۆ هەڵبژاردنەكان و دەستەبەركردنی خولی دووەمی سەرۆكایەتی ئەمریكا.
١٠- بەهۆی لێكەوتەكانی كۆڕۆنا وەك دابەزینی نرخی نەوت حاڵی عێڕاق لە گیانەڵادایە، بۆیە عێڕاقیش پێویستی بە نوێكردنەوەی ئەم ڕێكەوتنە هەیە، تاكو پشتگیری دارایی و سیاسی ئەمریكا بەدەست بێنێت و ڕزگاری ببێت لەم دۆخە قورسەی عێڕاق تێی كەوتووە.
لە كۆتاییدا پێویستە یٔاماژە بەوە بكرێت كە لە هەر پڕۆسەیەكی دانوستان و گفتوگۆكردندا لایەنە بەشداربووەكانی پڕۆسەكە هەوڵی تەواو دەخەنەگەر بۆ پاراستن و بەدەستهێنانی بەرژەوەندی زیاتر بۆ ووڵاتەكانیان، بۆیە پێویستە سەركردایەتی سیاسی هەرێمی كوردستانیش چاوكراوەتر بن و تێڕوانینی جدیان هەبێت بۆ پاراستنی بەرژەوەندیەكانی هەرێمی كوردستان، بۆیە گرنگە تاكو (كار لە كار نەترازاوە) ئەجندایەكی هاوبەش بنوسنەوە بۆ ئەوەی هەرێمی كوردستانیش ژمارەیەكی خوێندراوە بێت لە داهاتوو عێڕاق و ناوچەكە.