راچڵەكین
وەزارەتی كشتوكاڵی حكومەتی هەرێم، بەنیازە ئەمساڵ بە هاوكاریی كەرتی تایبەت، گەنمی جوتیارانی هەرێمی كوردستان بكڕێت.
بێگەرد تاڵەبانی، وەزیری كشتوكاڵ و سەرچاوەكانی ئاوی حكومەتی هەرێمی كوردستان رایگەیاند "ئەمڕۆ 23-2-2020 لەگەڵ نوێنەری ئەنجومەنی وەزیران و وەزارەتی بازرگانی و دەستەی وەبەرهێنان، كۆبوونەوەیەكمان سەبارەت بە پرۆژەی بەبازاڕكردنی گەنم لە هەرێمی كوردستان ئەنجامداو هەنگاوەكانی خستنەبواری جێبەجێكردنی پلانەكە گفتوگۆی وردیان لەسەر كرا".
وتیشی: خۆشحاڵم كە پشتیوانی بۆ پرۆژەكە هەیە، بە هاوكاریی كەرتی تایبەت گەنمی جوتیارانمان بكڕین و هەفتەی داهاتوو لەگەڵ كەرتی تایبەت كۆدەبینەوە، بۆئەوەی راپۆرتی كۆتایی ئاراستەی ئەنجومەنی وەزیران بكەین و هەنگاوەكانی خستنەبواری جێبەجێكردن دەستپێبكرێت.