راچڵەکین-
نیوەڕۆی ئەمڕۆ هەینی فرۆكە جەنگییەكانی توركیا دووجار سنووری گوندی قامیشی سەر بە قەزای ماوەتیان بۆردومانكرد، بەهۆیەوە رووبەرێکی زۆر باخ و رەزی هاووڵاتییان سووتاوە.
کامەران حەسەن، قائیمقامی قەزای ماوەت لە لێدوانێکدا بۆ راچڵەکین وتی:" کاتکۆ ١:١٥ خولەکی نیوەڕۆی ئەمڕۆ هەینی فرۆكە جەنگییەكانی توركیا، دوو جار سنووری گوندی قامیشی سەر بە قەزای ماوەتیان بۆردومانكردووە ئاگر لە ناوچەکە کەوتووەتەوە و رووبەرێکی زۆر پووش و پاوان و رەزو باخی هاووڵاتییان سووتاوە".
وتیشی:" تاکو ئێستا بەهۆی سەختی شوێنەکە و بوونی مین لە هەندێک شوێندا تاکو ئێستا نەتوانراوە ئاگرەکە کۆنتڕۆڵبکرێت".