لاهور شێخ جەنگی لە بارەی سووتاندنی ئاڵای کوردستان لە بەغدا پەیامێکی بڵاوکردەوە

کوردستان

17/10/2020     ژمارەی بینراو 935

راچڵەکین-

لاهور شێخ جەنگی، هاوسەرۆكی یەكێتی پەیامێکی بڵاوکردەوە و رایگەیاند:" دەستبردن بۆ ئاڵای كوردستان هێڵی سورە".

ئەمڕۆ شەممە، لاهور شێخ جەنگی، هاوسەرۆكی یەكێتی لە بارەی سووتاندنی ئاڵای کوردستان لە بەغدا  پەیامێکی بڵاوکردەوە و رایگەیاند:"زۆر نیگەرانین لە دەستبردن بۆ ئاڵای كوردستان كە بەخوێنی هەزاران رۆڵەی قارەمان پارێزراوە، ئەم ئاڵایە سێمبولی پێكەوە ژیان و ئاشتی و ئاوەدانییە".

هاوسەرۆکی یەکێتی لە بەشێکی دیکەی پەیامەکەیدا دەشڵێت:" هەر گروپ و تاقمێك ئەگەر نیگەرانن لە كەسێك یان پارتێك، رێگە پێدرا و نین دەست بۆ پیرۆزییەكانی نەتەوەكەمان بەرن و ئاڵای كوردستان هێڵی سورە".

ئەو پەیامەی هاوسەرۆکی یەکیتی لە کاتێکدایە، بەیانی ئەمڕۆ شەممە لایەنگرانی حەشدی شەعبی هێرشیانکردە سەر بارەگای لقی پێنجی پارتی لە بەغدا و سووتاندیان و دواتریش ئاڵای کوردستانیان سووتاند.

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن