راچڵەکین-
بەڕێوەبەرایەتی گشتی ئاسایشی هەولێر رایگەیاند، پێنج هەزار چەكی جۆری دەمانچەی توركی بێمۆڵەتیان لەناوبردووە.
لە راگەیەندراوێكدا، بەڕێوەبەرایەتی گشتی ئاسایشی هەولێر بڵاویکردووەتەوە:"ئەمڕۆ پێنجشەممە 12-11-2020 پێنج هەزار چەكی جۆری دەمانچەی توركییان لەناوبردووە كە لەماوەی رابردودا دەستییان بەسەردا گرتبوو".
بە گویرەی راگەیەندراوەکەی ئاسایش، بەردەوام دەبن لە دەستبەسەرداگرتنی هەر جۆرە چەكێك كە بێمۆڵەت و قەدەغەكراوبێت.
لە ماوەی رابردووشدا لە شاری هەولێر ژمارەیەک پارچەی چەک کە لە وڵاتی تورکیاوە هاتبوون دەستیان بەسەردا گیرا.
