راچڵەكین –

بەڕێوەبەرایەتی هاتووچۆی پارێزگای هەولێر گۆڕانكاری لە فۆڕمی تایبەت بە كڕین و فرۆشتنی ئۆتۆمبیل دەكات و هاووڵاتیان ئاكادار دەكاتەوە كە لە 15ی ئەم مانگەوە بڕیارەكە دەچێتە بواری جێبەجێكردنەوە.

لە ئاگادارییەكدا كە ئەمڕۆ 12-11-2020، هاتووچۆی هەولێر بڵاویكردووەتەوە، تیایدا سەرجەم كڕیارو فرۆشیارانی ئۆتۆمبێلی ئاگادار كردووەتەوە، كە بەمەبەستی پاراستنی مافی كڕیارەكان، لەرۆژی 15-11-2020ەوە لەكاتی رێكخستنی فۆڕمی كڕین و فرۆشتنی ئۆتۆمیل، دەبێت جگە لەكڕیار وێنەی فرۆشیاریش لەفۆڕمەكان بدرێت.

هاتووچۆی هەولێر راشیگەیاندووە، لەو بەروارەوە بەدواوە هەر كەسێك ئۆتۆمبێل بفرۆشێت، دەبێت وێنەیەكی معامەلات لەگەڵ خۆی بێنێت بۆ چەسپاندنی لەكاتی دانپیانانی فرۆشتنەكە.