ده‌رهێنه‌ری فه‌نته‌ڵۆس ڕه‌خنه‌ له‌ ماهیر و جۆڵا ده‌گرێت

کەلتوور

21/02/2021     ژمارەی بینراو 513

ده‌رهێنه‌ری فه‌نته‌ڵۆس ڕه‌خنه‌ له‌ ماهیر و جۆڵا ده‌گرێت

ڕاچڵه‌كین-

ساڵانێك به‌ر له‌ ئێستا درامای فه‌نته‌ڵۆس كه‌ له‌ ڕه‌شنوسی دكتۆر شێركۆ عه‌بدوڵا بوو و له‌ كه‌ناڵی كوردسات په‌خش ده‌كرا و تیایدا به‌ زمانی كۆمیدیا ڕه‌خنه‌ له‌و كه‌مو كورتیانه‌ گیراوه‌ كه‌ له‌ هه‌رێمی كوردستان هه‌یه‌.

له‌م درامایه‌دا كۆمه‌ڵێك هونه‌رمه‌ندی ناوداری كورد به‌شداریان كرد و ماهیر حه‌سه‌ن و ئه‌حمه‌د جۆڵا دوو ئه‌كته‌ری سه‌ره‌كی دراماكه‌ بوون و هاوڕێ مسته‌فا ده‌رهێنه‌ری ئه‌م درامایه‌ بووه‌.

له‌ ئێستادا ئه‌م دوو هونه‌رمه‌نده‌ به‌ هاوكاری چه‌ند هونه‌رمه‌ندێكی دیكه‌ی‌ ناوداری بواری كۆمیدیا كار له‌سه‌ر درامای په‌تریپۆت ده‌كه‌ن كه‌ له‌ كه‌ناڵی NRT2 په‌خش ده‌كرێت و به‌هه‌مان شێوه‌ كۆمیدیایه‌ و به‌شێوه‌ی‌ ڕه‌خنه‌ دراماكان پێشكه‌ش ده‌كرێت.

هاوڕێ مسته‌فا له‌ هه‌ژماری تایبه‌ت به‌خۆی له‌ فه‌یسبووك ڕه‌خنه‌ی‌ له‌ درامای په‌تریپۆت گرتوه‌ و نوسیویه‌تی"پەتریپۆت ...پاتری ستۆک...ئەرێ هاوڕێیان کەی ئەوە ئیشی ئێوەیە لەم رۆژیا ئەم بەرنامەیە بەو ئاسته نزمە نمایش بکەن...  دەبێت ئێوە بیری شەقامتان هەبێت ئەمڕۆ لە چ خراپیەکدایە ....لەم سات و زەمەنەدا ئێوە باشترین و سەرکەوتووترینن ...ئێوە باشترین پاڵپشتی من بوون بۆ سەرکەوتنی فەنتەڵۆس ...ئێوە خاوەنی مێژوویەکی جوانن ...بەڵام بۆچی ئاوا بەو ئاستەوە دەستان پێکردەوە ؟؟؟!!!!"

 

 

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن