راچڵەكین-
بەڕێوبەرایەتی ئاسایشی ھەولێر رایگەیاند، دەرمانسازێك دەستگیركراوە كە ویستوویەتی بری هەزار و ٤٣٠ پاكەت ماددەی هۆشبەر ساغ بكاتەوە.
بەڕێوبەرایەتی ئاسایشی ھەولێر لە راگەیەنراوێكدا ئاماژەی بەوەداوە، دەرمانسازەكە لە دایكبووی ١٩٩٤ە و دانیشتووی كۆمەڵگای شاویسی هەولێر بووە و لەناو ماڵەكەی خۆیدا دەست بەسەر ئەو ماددانەدا گیراوە.
راشیگەیاندووە، رێكارە یاساییەكان لەبارەی تۆمەتبارەكە گیراوەتە بەر و بەپێی ماددەی ٢٥ی ماددەی هۆشبەر، دۆسیەی لێكۆڵینەوەی بۆ كراوەتەوە.