راچڵەكین –
نرخی نەوتی خاو لە بازاڕەكانی جیهان گۆڕانكاری بەسەردا هات و نرخی بەرمیلێك نەوتی برێنت بەراورد بە دوێنێ بەرزبووەوەو گەیشتە سەروو 72 دۆلار.
بە گوێرەی ئامارەكانی ماڵپەڕی ئینزڤێستینگ كە تایبەتە بە خستنەڕووی نرخی سووتەمەنی و كانزاكان، ئەمڕۆ پێنج شەممە نرخی بەرمیلێك نەوتی خاوی برێنت 72 دۆلارو 16 سەنت مامەڵەی پێوەكرا.
ئەمەش لەكاتێكدایە دوێنێ بە 69 دۆلار و 7 سەنت مامەڵەی پێوەكرابوو.
هاوكات نرخی بەرمیلێك نەوتی خۆرئاوای تەكساس لە 66 دۆلار و 90 سەنتەوە بۆ 70 دۆلارو 30 سەنت بەرزبووەوە.