کۆمپانیایەک لە هەولێر ٨ ئۆتۆمبێلی هاووڵاتییان دەبات و دیار نامێنێت

کوردستان

2 رۆژ پێش ئێستا     ژمارەی بینراو 111

راچڵەکین-

کۆمپانیایەک لە هەولێر بە ناوی دۆزینەوەی هەلی کار ٨ ئۆتۆمبێلی هاووڵاتییان دەبات و دیار نامێنێت.

شەوی رابردوو هەشت ئۆتۆمبێلی لاندکرۆزەر لە گەڕەکی وەزیرانی شاری هەولێر لە لایەن کۆمپانیایەکەوە بە ناوی دۆزینەوەی هەلی کار بردران کە بە مووچەی هەزار و 800 دۆلار کاریان بۆ دەدۆزێتەوە.
 
هاووڵاتییەک کە ئۆتۆمبێلەکەی دزراوە دەڵێت، گرێبەستمان کردووە و بڕیار بووە دوای ئەوەی  (GPS)- یان لە ئۆتۆمبێلەکە بەست دەمانخەنە سەر کار بە مووچەی هەزار و 800 دۆلار، بەڵام ئێستا ئۆتۆمبێلەکان و کۆمپانیاکەس دیار نەماون و کەس نازانێت لەکوێن و چییان بەسەر هاتووە.

ئەو هاووڵاتییە وتیشی:" ئێمە سکاڵامان لەسەر ئەو کۆمپانیایە تۆمارکردووە. ترسمان هەیە ئەگەر زوو لایەنی پەیوەندیدار چارەسەری کێشەکەمان نەکات ئۆتۆمبێلەکان ببنە دەرەوە یان لە پێشانگاکانی کڕین و فرۆشتنی ئۆتۆمبێل بیانفرۆشن".
 

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن