راچڵەکین-
وەزارەتی کارەبای حکومەتی هەرێمی کوردستان لەبارەی چۆنییەتی زانینی وردەکارییەکانی ناو پسوڵەی کرێی کارەبا راگەیەندراوێکی بڵاوکردەوە و دەڵێت:"دەتوانن لەرێگەی مۆبایلەکانیانەوە لە هەموو شوێن و کاتێکدا ئاگاداری بڕی کات وبەکارهێنانی کارەبا و نرخەکەی ببن".
لە راگەیەندراوەکەدا وەزارەتی کارەبای حکومەتی هەرێمی کوردستان ئاماژەی بەوەکردووە، خزمەتگوزارییەکە لە ئێستادا لە پارێزگاکانی هەولێر و دهۆک بەردەستە و لە ماوەیەکی نزیکدا لە سلێمانی و هەڵەبجەش بەردەست دەبێت و بۆ ئەوەی تەواوی وردەکارییەکان بزانیت پێویستە ئاژماری پسوڵەکەت لەناو ماڵپەڕیpswla.com بنوسیت.
وەزارەتەکە راشیگەیاندووە، سیستەمەکە بەجۆرێکە وێنەیەک لە پسووڵەی کرێی کارەباکەت لەگەڵ هەندێ زانیاری دیکەت نیشاندەدات و بە هۆیەوە دەتوانی ئاگاداری تەواوی وردەکارییەکانی بەکارهێنانی کارەبا ببی.
بۆ بەدەستهێنانی ئەم خزمەتگوزارییە، تەنیا پێویستە سەردانی ئەم سایتە بکەیت:
pswla.com