راچڵەكین-
لە سنووری قەزای بەردەڕەش ژنێك كوژرا كەخاوەنی پێنج منداڵە، وتەبێژی پۆلیسی دهۆك دەڵێت: "لەلایەن هاوژینەكەیەوە كوژراوە."
هێمن سلێمان، گوتەبێژی پۆلیسی پارێزگای دهۆك رایگەیاند: "شەوی رابردوو لە گوندی نەزراوە لە قەزای بەردەڕەش، ژنێك لەلایەن هاوژینەكەیەوە كوژراوە."
وتیشی، لەئێستادا تۆمەتبارەكە هەڵاتووە و دەستگیرنەكراوە. پۆلیس پەڕاوی لێكۆڵینەوەی بۆ رووداوەكە كردووتەوە.
لەبارەی هۆكاری رووداوەكە، ئیسماعیل مستەفا قایمقامی بەردەڕەش بە رووداوی راگەیاندووە: "هۆكاری كوشتنەكە كێشەی كۆمەڵایەتیی بووە. ژنەكە تەمەنی 45 ساڵە و دایكی پێنج منداڵە."