راچڵەكین-
پۆلیسی سلێمانی بەدوای تۆمەتبارێكدا دەگەڕێت و داوا لەهاوڵاتیان دەكات هەر كەس زانیاری لەسەری هەیە پەیوەندیان پێوەبكات.
پۆلیسی سلێمانی لەراگەیەندراوێكدا ئاماژەی بەوەكردووە:" ئەم تۆمەتبارە بەناوی (ڕێباز سدیق نەسروڵا) لەدایكبووی 1982 دانیشتوی شاری سلێمانییە داواكراوە بەبڕیاڕی دادوەرو بەپێی مادەی ٤١١ لەیاسای سزادان كە ناوبرا هەڵاتووە بۆ شوێنێكی نادیار."
پۆلیسی سلێمانی دەڵێت:"داوا لەھاوڵاتیان دەكەین هاوكارمان بن بۆ دۆزینەوەو دەستگیركردنی."
لەكاتی بوونی هەر زانیارییەك لەسەر تۆمەتباری ناوبراو پەیوەندی بەم ژمارە تەلەفۆنانەوە بكەن:
0533193148
0533194011
بەشی پۆلیسی فریاكەوتن ژمارە 104
بەشی پۆلیسی نەھێشتنی تاوان ژمارە 105
ماددەی 411 لەیاسای سزادانی عیراقی تایبەتە بە كوشتنی كەسێك بەهەڵە یاخود تیوەگلان لەكوشتنی كەسێك.
