بۆردومانكردنی دەروازەیەكی سنووری توركیا برینداربوونی ژمارەیەك سەربازو پۆلیسی لێكەوتەوە

جیهان

پێش 2 هەفتە     ژمارەی بینراو 385


راچڵەكین-

میدیای فەرمی توركیا بڵاویكردووەتەوە، لە ئەنجامی كەوتنە خوارەوەی مووشەك لە ناوچەی دەروازی سنووریی ئۆنجوپنار لە كلیس، بەپێی ئامارە سەرەتاییەكان سەربازێك و دوو پۆلیس بریندار بوون.

ئەوەش لەكاتێكدا دێت، وەزارەتی بەرگریی توركیا پاشنیوەڕۆی ئەمڕۆ یەكشەممە 20ی تشرینی دووەمی 2022 لە راگەیەندراوێكدا ئاماژەی بەوەكردووە، لە باكووری عیراق لە ناوچەكانی قەندیل، ئاسۆس، خواكورك و لە باكووری سووریا لە ناوچەكانی كانی عەرەب، تەلرفعەت، جزیر و دێرك بەشێوەیەكی سەركەوتووانە ئۆپەراسیۆنی 'چنگ شمشێر' ئەنجامدراوە.

هاوكات، هێزەكانی سووریای دیموكرات ( هەسەدە) بڵاویكردووەتەوە، لەئەنجامی ئەو بۆردومانانەدا، 14 كەس شەهید بوون، هاوكات 15 سەربازی سوپای سوریا لە بۆردومانەكاندا كوژران.

هەسەدە ئاماژەی بەوەشكردووە، چەندین هاووڵاتی دیكە لەئەنجامی بۆردومانەكانی توركیادا بریندار بوون.

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن