د.كامەران قەرەداغی

راچڵەكین-

پزیشكێكی راوێژكاری نەخۆشییەكاین سنگ و بۆری هەوا دەڵێت، پیشبینی ناكات دۆخی كوردستان لەبەرامبەر ڤایرۆسی كۆرۆنا وەك ئەوروپای لێبیت. دەشڵێت:" ئەگەر دۆخەكەمان وەكو ئەوروپای لێ بێت دەتوانیین هاوكێشەكە هەڵبگێڕینەوە."

د.كامەران قەرەداغی، لەچاوپێكەوتنێكدا لەگەڵ بەشی كوردی دەنگی ئەمریكا دەڵێت:"      لە 90% ی توشبووانی كۆرۆنا لەكوردستان ، نەخۆشیەكانیان زۆر سادەن كە زۆربەیان نیشانەیان هەر نیە. دۆخی كوردستان بەشێوەیەكی گشتی بەبەراورد بەناوچەكە زۆر زۆر باشەلەگەڵ ئەوەی سیستەمی تەندروستیمان لەچاو سیستەمی تەندروستی وڵاتان باشتر نیە." 

"ئەوانەی كە لەسەر مەترسیەكی گەورە قسە ئەكەن دوو هۆكار هەیە، هۆكاری یەكەم ئەوەیە كە لە هەولێر بە هۆی دوو پرسەكەوە بووە كە نزیكەی 80 حاڵەت هەبووە. ئەوە یەكێكە لەو مەترسیانەی كە سەلمێنراوە ئەگەر ئەم نەخۆشیە نیشانەشی نەبێ هەر بڵاو دەبێتەوە، دووەمیان ئەوەیە كە دەبێت خەڵك لەوە بترسێت مەترسی نەخۆشیەكە ماوە، ئێمە لەڕووی زانستیەوە هەوڵ دەدەین بەهاوڵاتیان بڵێین مەترسیەكە زۆر گەورەیە."

د. كامەران دەشڵێت" ئەگەر ئێمە دۆخەكەمان وەكو ئەوروپای لێ بێت دەتوانیین هاوكێشەكە هەڵبگێڕینەوە ، وەكو ئەوەی كە ئێستا لە هەولێر كراوە ، هەموو حاڵەتەكان گوازراونەتەوە بۆ نەخۆشخانەی ڕزگاری كە 400 قەڵەوێرەی تێدایە، تەنهاو تەنها پێویستی بەكاتە، لەدوای دوو هەفتە خۆیان تێستەكەیان نێگەتیڤ دەبێ و دەچنە ماڵەوە."

پزیشكەكەی ڕاوێژكاری نەخۆشیەكانی سنگ و بۆری هەوا لەكۆلێژی پزیشكی زانكۆی سلێمانی ئەوەش دەڵێت" من هیوادارم لەكۆتایی مانگی 4 یان لە هەفتەی یەكەمی مانگی 5دا شایی بگێڕین، بەبۆچونی من هەتاوەكو 25 و26 مانگی 4 بەشێوەیەك كەرەنتینە بەردەوام بێت و یارمەتی خەڵك بدرێت بەشێوەیەك لە شێوەكان واتە وا لە خەڵك نەكەیت كە بێزار بێت. بەشێوازێك هەر شوێنێك كە كەمی كردووە یان تیای نەماوە ، كوارەنتینەی ئەو شوێنە بكەن لەدەرەوە بۆ ناوەوە، با خەڵك وردە وردە بێنە دەرەوە بەڵام خۆی نەكات بەو شوێنانەی كە تیایە ماوە ئەمە پێی دەوترێت هەڵگرتنی وردە وردە لە ناوچەی جیا جیا، خۆ ئەگەر ئەو پرسەیەی هەولێر نەبوایە، دەتوانم بڵێم ئێستا ئێمە زەنگی كۆنتڕۆڵی نەخۆشیەكەمان لێ دەدا."

قەرەداغی لەبارەی سزادانی ئەو كەسانەی لەم كاتانەدا پرسە دادەنێن، ڕایدەگەیەنێت"
ئەگەر كەسێك بەهۆی ئەو پرسانەوە توش بێت و بمرێت، ئەو كەسانەی كە پرسەكەی ڕێك خستووە ناڕاستەخۆ بەشدارە لە كوشتنی ئەو كەسە بەپێی یاسا من زۆر لەگەڵ ئەوەدام كە ئەو كەسانە سزا بدرێن."

دەربارەی ئەوەی خەڵك نیگەرانن بەهۆی كوارەنتینەوە هەم موچە دابەش ناكرێت وە هەم هاوڵاتیانی كاسپ ناتوانن بژێوی ڕۆژانەیان پەیدابكەن، د.كامەران قەرەداغی دەڵێت" ئەو ڕەخنەیە ڕەخنەی سایكۆلۆجی خەڵكە، بەڵام ئێمە لەسەرەتاوە وتومانە لە كێشەیەكی جیهانیدان، با یەك مانگی تر ئارام بگرین بۆ ئەوەی لەم تەنگەژەیە ڕزگارمان بێت.
ئەم مانگە موچە زۆر بەجوانی دابەش كراوە، من ئەوە بە بیانوو نازانم، وەزارەتی دارایی نابێت بە هیچ شێوەیەك بابەتی كۆرۆنا و كوارەنتیین بكات بە بیانو بۆ پێنەدانی موچە."

قەرەداغی ئەوەشی وت" مەترسی كۆرۆنا لە نادیاری سەرچاوەكەتی، ئەگەر ئەم دوو هەفتە هیچ حاڵەتێكی تر نەدۆزرێتەوە، ڤایرەسەكە لە جسمی ئەو كەسانەی كە نەهاتوون خۆی دەڕوات چونكە دژە تەنێكی دروست كردووە، بەبۆچونی من وشیاری خەڵك لەم نەخۆشیە زۆر بەرز بۆتەوە، تەنانەت زۆرجار پرسیاری زۆر قورسمان لێدەكەن ئەوەش واتای بەرزی ئاستی هۆشیاری خەڵك."

د. كامەران جەختیكردەوە" ئەو چارەسەرانەی لە وڵاتانی تر بەكار هاتووە بۆ چارەسەر بۆ یەكەمجار لە سلێمانی بەكار هاتووە.نەخۆشەكانمان لە 90% هیچ نیشانەیەكیان نیە كە ئێمە دەڵیین چاك بوونەتەوە مانای ئەوەیە كە ڤایڕەسەكە لە لەشی نەخۆشەكە لە پۆزەتیڤەوە بوون بە نێگەتیڤ."

دەربارەی ئەو دەنگۆیانەی باس لەكاریگەری پێكوتەی دژی نەخۆشی سیل "بی سی جی" دەكەن لەسەر بەرگری دژی كۆرۆنا؟

د.كامەران قەرەداغی دەڵێت" باسی بی سی جی ڤاكسین و ڤاكسینی كۆلێرا و مەلاریا باسی گروپی خوێن دەكرێت، ئێمە هەر هەموو ئەوانەمان تیایە. ئەوەی كە سەلمێنراوە لە لێكۆڵینەوەكاندا ئەوەی بی سی جی ڤاكسینی وەرگرتووە ئەگەر كۆرۆناش بگرێت ئەوا بەسوكی دەیگرێت. وە سەلمێنراوە كە ئەم بەرگرییە هەتا هەتایە لە لەشی مرۆڤدا دەمێنێتەوە، لەكاتێكدا پێشتر دەیانوت بۆ پێنج تا دە ساڵە."

پزیشكەكەی ڕاوێژكاری نەخۆشیەكانی سنگ و بۆری هەوا لەكۆلێژی پزیشكی زانكۆی سلێمانی باس لەگرنگی پۆشینی ماسك دەكات و دەڵێت" هاوڵاتی خۆی كەرەنتینە بكات و ماسك و دەستكێش بكات ، من دڵنیام لەسەرەتای مانگی 5 دا، ئەگەر ئاوا بڕۆین شایی دەگێڕین. ئەم ڤایڕەسە تەنها ڕووداوێكەو تێدەپەڕێت بەو خۆپارێزیە، وە پێم وایە لە كۆتایی مانگی چوار لە چین و لای ئێمە تێدەپەڕێت بەڵام لە جیهاندا بەگشتی لەكۆتایی مانگی 8 دا كەیس كەیس دەمێنێت لەجیهاندا."

د.كامەران قەرەداغی دەشڵێت" كەسێك كە ئەچێتە قەڵەباڵغیەوە هەر جۆرە ماسكێك ئەكات با بیكات، ڵێكۆڵینەوە هەیە دەڵێت كە لە سعودیە لە 80% ی پیاو توشی بووە و 20% ی ئافرەتان توش بوون لەبەرئەوەی ژنەكانیان حیجاب بوون بویە كەمتر توش بوون. ڤایڕەس لە هەوای وشكدا زۆر كەم دەمێنێتەوە. ماسكی 95 بۆ كادێری پزیشكی و خەستەخانە دەبێت."

د.كامەران قەرەداغی لەوەڵامی ئەو پرسیارەی لەكاتێكدا دەڵێیت لەكۆتایی مانگی چوار یا هەفتەی یەكەمی مانگی پێنج ئەگەر ئاوا بڕۆین كۆرۆنا كۆرتایی دێت بەڵام جیهان بەگشتی لەكۆتایی مانگی هەشت كەیس كەیس دەمێنێت ئەوانەی لەدەرەوە دەگەڕێنەوە مەترسی دروست ناكەن لەسەر دوبارە سەرهەڵدانەوەی ڤایرەسەكە؟

د.كامەران قەرەداغی دەڵێت" بێگومان مەترسی هەیە و كێشەیە، كێشەكە ئەوەیە فڕۆكەخانەكانی هەرێم لەدەست دەسەڵاتی فڕۆكەوانی عیراقە، بەڵام نابێت بهێڵدرێت خەڵك لە خاریجەوە بێتەوە ئەگەر من حكومەتی كوردی بم نایەڵم یەك فڕۆكە هەستێت و وە بێتەوە كوردستان هەتا یەك كەیس مابێت لە جیهاندا."