راچڵەكین-
لە ئەنجامی پێكدادان لەگەڵ گروپە چەكدارەكان لە ریفی لازقیە، 16 سەربازی سوپای سوریا كوژراون و پێنجی تر برینداربوون.
رۆژنامەی "وەتەن"ی سوری بڵاویكردەوە، پێكدادانەكان لە یەكێك لە ناوچەكانی وادی رەبیعە لە ریفی باكووری پارێزگای لازقیە ڕوویداوە و 16 سەرباز كوژراون و پێنجی تر برینداربوون.
بەپێی زانیارییە رۆژنامەوانییەكان، گروپە چەكدارە توندڕەوەكان لە ریفی باكووری لازقیە بڵاوبوونەتەوە كە زۆربەیان سەر بە ڕێكخراوی "بەرەی نوسرە"ن، چەندان جار هێرشیان كردووەتە مەدەنییەكان لە ناوچەكە و بەو هۆیەوە ژمارەیەك بونەتە قوربانی و زیانێكی زۆریش بە موڵك و ماڵی دانیشتوان گەیشتووە.