راچڵەكین -
كەشناسیی هەرێم پێشبینی دەكات بەفربارین لەناوچە شاخاوییەكان بەردەوام بێت و لە بەشێك لە ناوچە شاخاوییەكانی دهۆك و هەولێر و راپەڕینیش زۆرترین رێژەی باران ببارێت.
ئەمشەو بەشی پێشبینی كەشوهەوا لە وەزارەتی گواستنەوەو گەیاندنی حكومەتی هەرێمی كوردستان بڵاویكردەوە، بارینی بەفر و باران لە ناوچە شاخاوییەكان بە شێوەی پچڕ پچڕ بەردەوامەو بۆ ئەمشەویش بەردەوام دەبێ و پێشبینی دەكرێ لەدوای نیوەشەو، بارانبارین درێژە بكێشێ بۆ زۆربەی ناوچەكانی تری هەرێم.
ئاماژەی بەوەشكردووە، لە بەشێك لە ناوچە شاخاوییەكانی دهۆك و هەولێر و راپەڕین، زۆرترین رێژەی باران دەبارێت و تا پێش نیوەڕۆی سبەینێ شەممە بەردەوام دەبێت.
كەشناسی پێشبینیشی كردووە بۆ دوای نیوەڕۆ و ئێوارەی سبەینێ نمەباران بە شێوەی پچڕ پچڕ لە سەنتەری شارەكان و بەفر و باران لە ناوچە شاخاوییەكان بەردەوام بێت، هاوكات نزمترین پلەكانی گەرماش زیاتر دادەبەزێت.
بڕی بارانی 12 كاتژمێری رابردووی هەندێك لە ناوچەكانی هەرێم:
هەولێر/ دڵۆپ دڵۆپ
سلێمانی/ 2.7 ملم
دهۆك/ 0.2 ملم
زاخۆ/ 3.3 ملم
ئاكرێ/ 0.2 ملم
ئامێدی/ 3.0 ملم
بامەڕنێ/ 2.6 ملم
مانگیش/ 4.0 ملم
دەبەندیخان/ 7.0 ملم
حاجی ئۆمەران/ 14.4 ملم
هەڵەبجە/ 13.4 ملم
كەلار/ 1.4 ملم
سۆران/ 5.2 ملم
پێنجوێن/ 4.0 ملم
ماوەت/ 2.2 ملم
قەڵادزێ/ 1.6 ملم
باتوفە/ 5.8 ملم
سیدەكان/ 5.0 ملم
مێرگەسوور/ 26.2 ملم