راچڵەكین-
بەهۆی خراپی رەوشی كەشوهەوا، 11 پارێزگای عیراق ئەمڕۆ سێشەممەیان كردە پشووی فەرمی.
هەریەك لە پارێزگاكانی بابل، موسەننا، ئەنبار، دیالە، سەڵاحەدین، نەجەف، زیقار، دیوانیە، نەینەوا، واست، و كەركوك، ئەمڕۆیان كردە پشووی فەرمی لە دامودەزگا و فەرمانگەكانی دەوڵەت.
ئەو پارێزگایانە لەگەڵ ئەوەی ئەمڕۆیان وەك پشووی فەرمی راگەیاند، فەرمانگە ئەمنی و خزمەتگوزارییەكانیان لەو پشووە بەدەركردووە، ئەمەش لەكاتێكدایە كە شەپۆلێكی بارانبارینی بەهێز رووی لە وڵات كردووە و ئەگەری دروستبوونی لافاو لە زۆربەی ناوچەكاندا دەكرێت.