پوتین: فڕۆكەكانی ئەمریكا لەناودەبەین

جیهان

پێش 3 هەفتە     ژمارەی بینراو 190


راچڵەیكین- 
ڤلادیمیر پوتین سەرۆكی ڕووسیا ڕایدەگەیەنێت، فڕۆكە جەنگییەكانی F-16 كە لەلایەن ئەمریكا ڕادەستی ئۆكراینا دەكرێن، لە ھەر كوێیەك بن، دەكرێنە ئامانج، ئەگەر دژبە ڕووسیا بەكاربھێنرێن.

ڤلادیمیر پوتین لە میانی بەسەركردنەوەی بنكەی مەشق و ڕاھێنانی فڕۆكە جەنگییەكانی سەربە وەزارەتی بەرگریی ڕووسیا لە ناوچەی تڤێری باكووری وڵاتەكەی رایگەیاند، دابینكردنی فڕۆكە جەنگییەكانی"F-16" بۆ ئۆكراینا لەلایەن ڕۆژئاواوە، ھیچ شتێك لە گۆڕەپانی جەنگدا ناگۆڕێت، چونكە ئێمە ئەو فڕۆكانە  لەناودەبەین ھەروەك چۆن ئەو تانك و زرێپۆش و چەك و تەقەمەنییانەی دیكەمان لەنابردووە كە لەلایەن ڕۆژئاواوە بۆ ئۆكراننا رەوانەكرابوون. 

بە وتەی سەرۆكی رووسیا، فڕۆكە جەنگییەكانی "F-16" كە لەلایەن ڕۆژئاواوە ڕادەستی ئۆكراینا دەكرێن لە ھەر كوێیەك بن، دەكرێنە ئامانج، ئەگەر دژبە ڕووسیا بەكاربھێنرێن، رەتیشیكردەوە  وڵاتەكەی هێرشبكاتە سەر وڵاتانی باڵتیك و پۆڵەندا، ئەو دەنگۆیانەشی لەو رووەوە بە بێ‌ مانا، وەسفكرد. 

داگرتنی ئەپی راچڵەکین بۆ ئەندرۆید

داگرتنی ئەپی راچڵەکین بۆ ئایفۆن