راچڵەکین-

لە ئەنجامی هێرشێکی چەکداریدا لە ناوچەی بەلوچستان، دوو پۆلیسی ئێران کوژران و یەکێکیش بەسەختی برینداربوو.

ئەمڕۆ شەممە، سایتی حالڤەش کە هەواڵەکانی ناوچەی بەلوچستان دەگوازێتەوە ڕایگەیاند، لە ئاکامی شەڕ و پێکدادان لە نێوان ژمارەیەک چەکدار لەگەڵ هێزە ئەمنییەکانی ئێران لە ناوچەی زاهیدان لە پارێزگای بەلوچستان، دوو پۆلیس کوژراون و یەکێکیش بەسەختی بریندارکراوە.

ئاژانسە هەواڵییەکانی سەر بە حکومەتی ئێرانیش هەواڵی کوژرانەکەیان پشتڕاستکردووەتەوە و دەڵێن، شەڕەکە لە نێوان چەند چەکدارێک ڕوویداوە و پۆلیس بەنیەتی ناوبژی کردن ڕۆشتووە بەڵام لەلایەن چەکدارەکانەوە پێکراون.

تاوەکو ئێستا ناسنامەی هێرشبەران ئاشکرا نیە و زانیاری دیکە بڵاونەکراوەتەوە.