راچڵەكین -
هاتووچۆی هەولێر بڕیاریدا لە رۆژانی جەژنی رەمەزاندا هاتووچۆی ئۆتۆمبێلی بارهەڵگر لەڕێگای سەیرانگاكان و شوێنە گەشتیارییەكاندا قەدەغە بكات.
لە راگەیەندراوێكدا كە ئەمڕۆ بڵاوكراوەتەوە، بەڕێوەبەرایەتی هاتووچۆی پارێزگای هەولێر رایگەیاندووە، بەهۆی ئەوەی چاوەڕوان دەكرێت لەڕۆژانی پشووی جەژنی رەمەزاندا ژمارەیەكی زۆری هاووڵاتیان بەمەبەستی گەشت و سەیرانكردن، سەردانی سەیرانگا و شوێنە گەشتیاریەكان بكەن، بۆیە لەبەر بەرژەوەندی گشتی و لەپێناو رێكخستنی هاتووچۆدا، بڕیاردرا بەقەدەغەكردنی هاتووچۆی ئۆتۆمبێلی بارهەڵگری گەورە لەو رێگایانەی دەكەونە سەر شوێنە گەشتیاری و سەیرانگاكان.
هاتووچۆی هەولێر ئاماژەی بەوەكردووە، بڕیاری قەدەغەی هاتووچۆكردنی ئۆتۆمبێلی بارهەڵگری گەورە لەڕێگای سەیرانگاكان و شوێنە گەشتیارییەكان، تا كۆتایی هاتنی پشووی جەژن بەردەوام دەبێت.