راچڵەكین- 

 

یەکەمین کاروانی حاجییانی عێراق بەرەو مەککە بەڕێکەوت و بڕیارە لە چەند رۆژی داهاتووشدا کاروانی حاجییان لە رێگەی وشکانیشەوە بەرەو سعودییە گەشت بکەن.

سامی مەسعودی سەرۆکی دەستەی حەج و عومرەی عێراق لە کۆنگرەیەکی رۆژنامەوانیدا رایگەیاند، یەکەم کاروانی حاجییانی عێراق بەرەو مەککە بەڕکەوتوون.

ئاماژەی بەوەشکرد، 19 هەزار حاجی بە رێگەی ئاسمانی گەشت بۆ سعودییە دەکەن و سێ رۆژی دیکەش 19 هەزار حاجی دیکە بە رێگای وشکانی بەرەو مەککە بەڕێدەکەون.

باسی لەوەشکرد، تێچووی پاڵپشتی حاجییان 39 ملیار دینارە کە لەلایەن حکومەتی عێراقەوە دابینکراوە و عێراق تەنها وڵاتە کە پاڵپشتی تێچووی حەج دەکات بۆ ئەوەی کەمترین تێچووی هەبێت.