راچڵيکین-
وەزارەتی دارایی و ئابووری هەرێم رایگەیاند، تەمویلی مووچەی مانگی یەک خرایە سەر هەژماری بانکی وەزارەتی دارایی.
ئەمڕۆ سێشەممە، وەزارەتی دارایی و ئابووری حوکمەتی هەرێمی کوردستان راگەیەندراوێکی بڵاوکردەوە و تێیدا هاتووە، بڕی 958 ملیار و 12 ملیۆن و 332 هەزار و759 دینار دینار وەک شایستەی مووچەی مانگی کانونی دووەمی ساڵی 2025ـی فەرمانبەران و مووچەخۆرانی هەرێمی کوردستان، لەلایەن وەزارەتی دارایی حکومەتی فیدراڵەوە خرایە سەر هەژماری بانکی وەزارەتی دارایی و ئابوری هەرێمی کوردستان لە لقی هەولێری بانکی ناوەندی عێراق.
ئاماژە بەوەش کراوە، تیمەکانی وەزارەتی دارایی سەرقاڵی تەواوکردنی ڕێکارەکانی وەرگرتنی تەمویلەکەن و لەنزیکترین کاتدا دەست بەدابەشکردنی مووچە دەکرێت.