راچڵەكین-
بەڕێوبەرایەتیی تەندروستیی ئەنبار بڵاویكردووەتەوە، لە شاری فەلوجە 130 كەس لە ئەنجامی خواردنی خێرا ژەهراوی بوون.
رۆژی شەممە، بەهۆی خواردنی بێرگرێكـەوە لە خواردنگەیەكی فەلوجە لە ئەنبار، دەیان كەس ژەهراوی بوون و رەوانەی نەخۆشخانە كرا.
ئەمڕۆ یەكشەممە 8ی حوزەیرانی 2025 تەندروستی ئەنبار بڵاویكردووەتەوە،ژمارەی ئەو كەسانەی ژەهراوی بوون، گەیشتووەتە 130 كەس و ژمارەكە لە بەرزبوونەوەدایە.
تەواوی ئەو كەسانەی ژەهراوی بوون رەوانەی نەخۆشخانە كراون و بەشێكیان لەژێر چاودێری ووردی پزیشكیدان.
بەگوێرەی لێكۆڵینەوە سەرەتاییەكان بێت، ئەو گۆشتەی لە بێرگرەكەدا بەكارهاتووە، هاوردەكراوی بەستوو بوەو تێكچووە. لەئێستادا خواردنگەكە داخراوەو لێپرسینەوە لەخاوەنەكەیی و كارمەندانی دەكرێت.