وەڵامێکی زیرەکانەی گواردیۆلا دەربارەی بەراوردکردنی لامین یامال بە مێسی

وەرزش

28/07/2025     ژمارەی بینراو 219

ڕاچڵەکین سپۆرت -

 

پیپ گواردیۆلا ڕاهێنەری یانەی مانچستەر سیتی لەبارەی پەرەسەندنی بەراوردکارییەکانی نێوان لامین یامال، یاریزانی باڵی یانەی بەرشەلۆنە و لیۆنێل مێسی ئەفسانەی یانەکە، جەختی لەوە کردەوە کە ڕەنگە ئەم جۆرە بەراوردکردنانە لەم کاتەدا پێشوەختە و نادادپەروەرانە بن.

گواردیۆلا کە پێشتر لە سەردەمی نەوەی زێڕینی بارسادا ڕاهێنەری مێسی بووە، دەڵێت: پێموایە پێویستە ڕێگە بدەین لامین ڕێگەی خۆی بدۆزێتەوە، کاتێکیش بۆ ماوەی 15 ساڵ یاری دەکات، دەتوانین بڵێین باشترە یان نا، با ژیانی وەرزشی خۆی بنیات بنێت، تەنها بەراوردکردن بە مێسی شتێکی گەورەیە.

گواردیۆلا لێکچوونێکی هونەری بەکارهێنا بۆ ڕوونکردنەوەی خاڵەکەی و وتی: ئەوە وەک ئەوە وایە نیگارکێشێک بە ڤان گۆگ بەراورد بکەیت، خەڵک دەڵێن ئای خوایە گیان، خراپ نییە، ئەوەش دەریدەخات کە ئەو باشە، خودی بەراوردکردنەکە مانای ئەوەیە یاریزانەکە بەهرەمەندە، بەڵام زۆر گرنگە کات و شوێنی پێ بدەین بۆ ئەوەی گەشە بکات.

گواردیۆلا لە کۆتایی قسەکانیدا جەختی لەسەر دەستکەوتەکانی مێسی کرد بە درێژایی ژیانی وەرزشی و وتی: مێسی شتێکی تەواو جیاوازە، باس لە یاریزانێک دەکەین کە لە یەک وەرزدا 90 گۆڵی تۆمارکردبێت، و زیاتر لە 15 ساڵ نەوەستاوە، بەبێ پێکان، بەبێ دابەزین، ئەوە شتێکی دیکەیە بە تەواوی، با بڕوات، با ڕێگەی خۆی ببڕێت.

 

داگرتنی ئەپی راچڵەکین بۆ ئەندرۆید

داگرتنی ئەپی راچڵەکین بۆ ئایفۆن