راچڵەكین-
وەزیری دەرەوەی رووسیا هیوای خواست، ئەحمەد شەرع-ی سەرۆكی سوریا لە لوتكەی رووسی- عەرەبی كە بڕیارە مانگی تشرینی یەكەمی داهاتوو بەڕێوەبچێت، ئامادەیی هەبێـت.
ئەم لێدوانەی سێرگی لاڤرۆڤ-ی وەزیرە دەرەوەی رووسیا دوای پێشوازیكردنی هات لە ئەسعەد شیبانی، وەزیری دەرەوەی سوریا كە دوای رووخاندنی رژێمی بەشار ئەسەد یەكەمجارە دەسەڵاتی نوێی ئەو وڵاتە بەشاندی فەرمی سەردانی رووسیا بكات.
لاڤرۆڤ لەبەشێكی تری قسەكانیدا ووتی:" هیوا خوازین گەلی سوریا بەسەر ئاستەنگەكاندا زاڵبێت و دۆخی ئەو وڵاتە ئاسایی بێتەوە."
لەلایەن خۆشییەوە، ئەسعەد شیبانی، وەزیری دەرەوەی سوریا رایگەیاند:" سوریا خوازیاری پەیوەندییەكی تەندروستە لەگەڵ رووسیا و خوازین رووسیا لەو قۆناغەدا هاوشانمان بێت."