راچڵەكین-

كۆمسیۆنی باڵای سەربەخۆی هەڵبژاردنەكانی عیراق وادەی پڕكردنەوەی فۆرمی بوون بەكارمەندی رۆژی هەڵبژاردن درێژدەكاتەوە.

ئەمڕۆ پێنجشەممە 31ی تەمووزی 2025 كۆمسیۆنی باڵای سەربەخۆی هەڵبژاردنەكانی عیراق بڵاویكردەوە، وادەی پركردنەوەی بوون بەكارمەندی كۆمسیۆن لەرۆژی هەڵبژاردندا تا رۆژی 5-8-2025 درێژكراوەتەوە. 

ئەوەش روونكراوەتەوە:" ئەو كەسانەی ئارەزوومەندن وەكوو كارمەندی ڕۆژی هەڵبژاردن كار بكەن و تا ئێستا نەیانتوانیوە فۆڕمەكە پڕ بكەنەوە، پێویستە لە ماوەی ئەم پێنج ڕۆژەدا كە ماوە، فۆڕمەكە پڕ بكەنەوە، چونكە ڕەنگە ئەمە دوا درێژكردنەوە بێت."

كۆمیسیۆن داوا لە پێشكەشكاران دەكات، دوای پڕكردنەوەی فۆڕمە ئەلیكترۆنییەكە، بەر لە تەواوبوونی وادەی دیاریكراو، كۆپی فۆڕمەكە و بەڵگەنامە داواكراوەكانی دیكە بەزوویی ڕادەستی نزیكترین ناوەندی تۆماركردنی كۆمیسیۆن بكەن.