راچڵەكین -
بە هاوكاری نوسینگەی سەرۆككۆمار و خانمی یەكەمی عیراق، تاوانبارێكی شاڵاوەكانی ئەنفال بە ناوی عەجاج ئەحمەد حەردان، دەستگیركرا.
میدیای فەرمی یەكێتی بڵاویكردەوە، تاوانبار عەجاج ئەحمەد حەردان، یەكێك بووە لە سەرپەرشتیارانی زیندانی نوگرە سەلمان لە پارێزگای سەماوە لە باشوری عیراق.
لەوبارەیەوە نوسینگەی خانمی یەكەمی عیراق لە پەیامێكدا داوای لە زیندانیكراوان و كەسوكاری زیندانیكراوان و بێسەرشوێنبووەكان كردووە، پەیوەندییان پێوە بكەن بۆ تۆماركردنی سكاڵا دژی ئەو تاوانبارە.