پەیامێکی بەهێز لە کریستینسنەوە بۆ هانس فلیک لە بەرشەلۆنە

وەرزش

31/07/2025     ژمارەی بینراو 265

ڕاچڵەکین سپۆرت -

 

لە یارییەکەی بەرشەلۆنەدا ئەندرێاس کریستینسنی یاریزانی دانیمارکی بەرامبەر سیئۆل ئاستێکی قایلکەری پێشکەشکرد و گۆڵێکی سەرسوڕهێنەری تۆمارکرد و یارمەتی تیپەکەیدا لە یارییە دۆستانەی پێش وەرزدا بە ئەنجامی 7-3 سەرکەوتن بەدەستبهێنێت.

ئاستی کریستینسن بەرامبەر هەڵبژاردەی کۆری پەیامێکی بەهێزی بۆ هانسی فلیکی ڕاهێنەری یانەی بەرشەلۆنە نارد، ئەمەش لەکاتێکدایە لەم دواییانەدا قسە و باسەکان لەسەر ئەگەری ڕۆشتنی بەرگریکاری تەمەن 29 ساڵانەکە هەیە.

کریستینسن دەیەوێت شەڕی پێگەی خۆی بکات لە پێکهاتەی فلیک، هەروەها ئاستێکی باشی پێشکەش کرد بەرامبەر سیئۆل، مەبەستی ڕاستەقینەی خۆی ئاشکرا کرد لە کاتێکدا دەنگۆی ئەوە هەیە کە پەیوەندی بە دوورکەوتنەوە لە بلاوگرانا دەکات.

ڕۆژنامەکانی بەرشەلۆنە ستایشی ئاستی کریستینسنیان کرد بەرامبەر سیئۆل. تەواوی گێمی دووەم یاریی کرد و لە سەرەتاوە جێپەنجەی خۆی تۆمارکرد بە لێدانێکی دوور لە نزیکەی 30 مەترەوە کە ڕێگەی خۆی بۆ ناو تۆڕەکە دۆزیەوە.

بەبێ گوێدانە گۆڵەکە، کریستینسن هەستێکی نایابی بە بەرشەلۆنە و هاندەرانی بەخشی، پێگەی خۆی وەک بەرگریکارێکی متمانەپێکراو بەهێزتر کرد، دوای ئەوەی وەرزی ڕابردوو تووشی زنجیرەیەک پێکان بوو، ئەمەش دەرفەتەکانی لەگەڵ تیپەکەدا سنووردار کرد.

بەگوێرەی ڕۆژنامەی مۆندۆ دیپۆرتیڤۆی ئیسپانی، کریستینسن پەیامێکی بەهێزی بۆ فلیک ناردووە بە گۆڵ و ئاستەکەی بەرامبەر سیئۆل: ئەو دەیەوێت بەردەوام بێت و توانای ئەوەی هەیە یاریزانێکی گرنگ بێت کاتێک ڕاهێنەری ئەڵمانی پێویستی پێی دەبێت.

 

داگرتنی ئەپی راچڵەکین بۆ ئەندرۆید

داگرتنی ئەپی راچڵەکین بۆ ئایفۆن