ڕاچڵەکین سپۆرت -
ڕۆژنامەی "ئاس" بە پشتبەستن بە سەرچاوە ڕۆژنامەوانیەکانی تورکیا ئاشکرایکردووە، خۆزێ مۆرینیۆی پورتوگالی، ڕاهێنەری یانەی فەنرباخچە، ڕۆدریگۆ گۆسی ئەستێرەی بەڕازیلی لە گواستنەوەی هاوینەی ئێستادا کردۆتە ئامانجی سەرەکی.
بەگوێرەی زانیارییەکان مۆرینیۆ داوای گرێبەستی خواستن بۆ یاریزانە باڵەکەی یانەی ڕیال مەدریدی کردووە، لەئێستاشدا یانە تورکییەکە فشار دەخاتە سەر ئەو یاریزانە بۆ ئەوەی گواستنەوەی یاریزانەکە قبوڵ بکات، ئەمەش لەکاتێکدایە کێبڕکێیەکی توندی یانە ئەوروپییەکان لەسەر یاریزانەکە هەیە.
ڕۆژنامەکە ڕوونیشیکردووەتەوە، کە یانەی فەنرباخچە دەست بە دانوستانە فەرمییەکانی لەگەڵ یانەی ڕیال مەدرید دەکات، ئەگەر سەرکەوتوو بێت لە وەرگرتنی ڕەزامەندی ئەو یاریزانە. داهاتووی ئەو یاریزانە لە یاریگای سانتیاگۆ بێرنابیۆ دیار نییە، بە لەبەرچاوگرتنی زۆری ئەستێرە هێرشبەرەکان.
شایەنی باسە ڕۆدریگۆ بە یەکێک لە پایە هێرشبەرەکانی یانەی ڕیال مەدرید دادەنرێت، بەڵام هاتنی کیلیان مباپێ و بەهرەمەندەکانی تری هێرشبەری ڕەنگە هاندەری ئەو یاریزانە بێت کە بە داهاتووی خۆیدا بچێتەوە، ئەمەش فاکتەرێکە کە یانە ئارەزومەندەکان هەوڵی سودوەرگرتنیان دەدەن بۆ دەستەبەرکردنی خزمەتگوزارییەکانی لە ماوەی گواستنەوەی ئێستادا.