راچڵەکین-
کەمێک پێش ئێستا لە یەکێک لە گەڕەکەکانی سلێمانی تەقە لە
رۆژنامەنووس هێمن مامەند کرا.
بەگوێرەی زانیارییەکان، کەمێک پێش ئێستا لە گەڕەکی
عەقاریی شاری سلێمانی تەقە لە رۆژنامەنووس هێمن مامەند کرا و دەوترێت، فیشەکێک بەر
قۆڵی کەوتووە و فیشەکێکی تریش تەنها ئۆتۆمبێلەکەی پێکاوە.
زانیارییەکان ئەوە دەخەنەڕوو، ئەو کەسانەی تەقەیان لە
ناوبراو کردووە ماتۆڕسکیلیان پێبووە و دوای رووداوەکەش دەستبەجێ هێمن مامەند
گواستراوەتەوە بۆ نەخۆشخانە و لە ئێستاشدا تەندروستی جێگیرە، هەروەها هێزە ئەمنییەکان گەیشتوونەتە شوێنی رووداوەکە و سەرقاڵی لێکۆڵینەوەن.