راچڵەکین-
لقی سلێمانی سەندیکای رۆژنامەنووسانی کوردستان
راگەیەندراوێکی بڵاوکردەوە لەبارەی رووداوی تەقەکردن لە هێمن مامەند.
لە راگەیەندراوەکەی لقی سلێمانی سەندیکای رۆژنامەنووسانی
کوردستاندا هاتووە: تەقەکردن لە رۆژنامەنووس هێمن مامەند رەفتارێکی ترسنۆکانە و
دوورە لە پیشەی خەڵکی ئازا.
دەقی راگەیەندراوەکە:
تەقەکردن لە رۆژنامەنووس ھێمن مامەند رەفتارێکی ترسنۆکانەو
دوورە لە کارو پیشەی خەڵکی ئازا، چونکە رۆژنامەنووس ھەڵگری چەک نیە تا بە چەک تەقەی
لێبکرێت و ئەم حاڵەتەش دەچێتە خانەی ھەوڵدان بۆ تیرۆرکردن..
سوپاس بۆخوا ناوبراو ئێستا باری تەندروستی زۆر باشە..
داواکارین دەزگا بەرپرسەکان لێکۆڵینەوەی ورد لەسەر ئەم
بابەتە بکەن و ئەنجامدەران ئاشکرا بکەن، چونکە ژینگەی میدیای سلێمانی رۆژنامەنووسی
تێدا تیرۆر نەکراوە، با ھەموومان ھاوکارو ھاریکاریی یەکتر بین تا پایتەختی رۆشنبیریی
ھەرێمەکەمان بە پاکی و بە جوانیی بۆ میدیاکاران بمێنێتەوە.