راچڵەكین-
بەڕێوەبەرایەتیی گشتیی بانكە بازرگانییەكان لەبارەی دابەشكردنی مووچەی مانگی 6ی فەرمانبەران لەرۆژی پێنجشەممە 4ی ئەیلول روونكردنەوە دەدات.
ئەمڕۆ چوارشەممە 3ی ئەیلولی 2025 بەڕێوەبەرایەتیی گشتیی بانكە بازرگانییەكانی سەر بەوەزارەتی دارایی و ئابووری حكومەتی هەرێمی كوردستان بڵاویكردەوە:"لەگەڵ ئەوەی ڕۆژی پێنجشەممە، 4ی ئەیلوولی 2025، لەسەرجەم دام و دەزگاكانی حكومەتی هەرێمی كوردستان پشووی فەرمییە، بەڵام دابەشكردنی مووچە بە پێی خشتەی ڕاگەیەنراو بەردەوام دەبێت."
ئەوەش روونكراوەتەوە:" دەوامی سەرجەم ئەو بانكانە ئاسایی دەبێت، كە ئەركی دابەشكردنی مووچەیان لە ئەستۆدایە."
سبەینێ پێنجشەممە 4ی ئەیلولی 2025 بەبۆنەی لەدایك بوونی پێغەمبەر محەمەد (د.خ)، پشوی فەرمییە لە سەرجەم وەزارەت و دامودەزگا حكومییەكان.