راچڵەكین-
شاندێكی دەمپارتی سەردانی ئیمراڵی دەكات و ناوەڕۆك و پەیامی دواهەمین كۆبوونەوەیان لەگەڵ رەجەب تەیب ئەردۆغان-ی سەرۆككۆماری توركیا لەگەڵ عەبدوڵا ئۆجەلان-ی رێبەری زیندانیكراوی پەكەكە تاوتوێ دەكەن.
ئەمڕۆ دووشەممە 3ی تشرینی دووەمی 2025 شاندی پارتی یەكسانیی و دیموكراسیی گەلان-دەمپارتی كە پێكهاتوون لە پەروین بوڵدان، مدحەت سنجار و فایەق ئۆزگور ئۆرەڵ، جارێكی دیكە سەردانی دورگەی ئیمراڵی دەكەن و چاویان بە عەبدوڵا ئۆجەلان دەكەوێت.
ئەندامانی شاندەكە، پوختەی گفتوگۆكانیان لەگەڵ رەجەب تەیب ئەردۆغانی سەرۆككۆماری توركیا، كە لە 30 ئەم مانگەدا بەڕێوەچوو، دەگەیەننە ئۆجەلان.
لەماوەی 11 مانگی رابردوودا كە پرۆسەی چارەسەری و ئاشتی دەستیپێكردووە، ئەمە دەهەمین جارە شاندی دەم پارتی سەردانی ئیمراڵی دەكات و لەگەڵ عەبدوڵا ئۆجەلان-ی رێبەری زیندانیكراوی پەكەكەدا كۆدەبێتەوە.