راچڵەکین-
وەزیری دەرەوەی ئێران ئاشکرایکردووە، هیچ ئەگەرێک بۆ
دەستپێکردنەوەی دانوستانەکانیان لەگەڵ ئەمەریکا لە ئارادا نییە.
عەباس عێراقچی وەزیری دەرەوەی ئێران رایگەیاند: لە ئێستادا
هیچ ئەگەرێکی دەستپێکردنەوەی دانوستانەکانی نێوان تاران و واشنتۆن لە ئارادا نییە،
ئێمە هیچ هەڵوێستێکی ئەرێنی و بنیاتنەرانەمان لەلایەن ئەمەریکاوە بەدینەکردووە.
ئاماژەی بەوەشکرد: ئێمە دەتوانین ئەگەری دەستپێکردنەوەی دانوستانەکان
لەبەرچاوبگرین، بەڵام ئەویش کاتێک روودەدات کە ئەمەریکا ئامادەبێت دیالۆگی یەکسان
بە ئامانجی رێککەوتنێک کە لە قازانجی هەردوولا بێت، ئەنجام بدات.