ڕاچڵەکین سپۆرت -

 

کریستیانۆ ڕۆناڵدۆ خۆی دەکاتە قوربانی بۆ پۆرتوگال، وەک لە کۆنگرەیەکی ڕۆژنامەوانیدا لە پەراوێزی یارییەکەی سێلیسۆ داس کویناس بەرامبەر ئیرلەندا لە پاڵاوتنەکانی مۆندیالی 2026 ڕایگەیاند.

ڕۆناڵدۆی خەڵکی شاری مادێرا پێشبینی دەکات لە دبلن پێشوازییەکی دوژمنکارانە بکرێت، بەڵام ئەستێرە پورتوگالییەکە کە ئێستا لە یانەی نەسر لە سعودیە یاری دەکات، هیوادارە لە کاتی یارییەکەدا فشارەکانی سەر هاوڕێکانی کەم بکاتەوە.

پورتوگال بۆ بەدەستهێنانی جێگایەک لە مۆندیالی 2026 بەرامبەر ئیرلەندا یاری دەکات، کریستیانۆ ڕۆناڵدۆ و هاوڕێکانی تەنها پێویستیان بە یەک خاڵە، هەروەها دۆڕانێک بەسە بۆ سەرکەوتن ئەگەر هەنگاریا لە هەمان قۆناغدا بدۆڕێت.

ڕۆناڵدۆ لە کۆنگرەیەکی ڕۆژنامەوانیدا ڕایگەیاند، فیکە و قسەی زل ئاڕاستەی من دەکرێت، بەڵام ئەوە هیچ نییە، من ڕاهاتووم، هیوادارم وا بکەن، ئەوا ڕیگایەکە فشار لەسەر هاوڕێکانم کەم دەبێتەوە.

ئاماژەی بەوەشکرد، یارییەکە سەخت دەبێت، هاوشێوەی یاریی چوون، هاندەران لە پشتی یاریزانانی بەرامبەر دەبن و کەشێکی گەورە دروست دەکەن، تەنانەت لێدانی ئاوتەکانیش وەکوو لێدانی گۆشە دەبێت، دەبێت بۆ هەموو شتێک ئامادەبین.

سەبارەت بە گەشەسەندنی وەک یاریزانێک، بە لەبەرچاوگرتنی ئەوەی کە یارییەکەی ئێرلەندا دەبێتە 226مەین یاریی بۆ پورتوگال، وتی، “هەندێک یاریم بردووەتەوە و هەندێکی تریشم دۆڕاندووە؛ ئەوە ژیانە، بەڵام ئەوە عەقڵیەتییە کە یاریزانی گەورە دروست دەکات.”