راچڵەكین-
حاكمی ویلایەتی تەكساس-ی ئەمریكا كاركردنی دوو رێكخراو كە یەكێكیان ئیخوان موسلمینە، لە سنووری ویلایەتەكە قەدەغەكردو خستنییە لیستی " تیرۆر"وە.
گریك ئابووت، كەسەر بەكۆماریخوازەكانە لە تۆڕی كۆمەڵایەتی ئێكس نوسیوویەتی، هەریەك لە رێكخراوی ئیخوان موسلمین و ئەنجوومەنی پەویەندییەكانی ئەمریكا- ئیسلامی خراونەتە لیستی رێكخراوە تیرۆرستییەكانەوە.
ئابووت دەڵێت:" ئەو بڕیارە وا دەكات ئەو دوو رێكخراوە نەتوانن هیچ مامەڵەیەكی كڕین و دەستبەسەرداگرتنی زەوی لە تەكساس" ئەنجامبدەن، هاوكات رێگا دەدات بەگرتنەبەری رێوشوێنەكانی تایبەت بە داخستنی بارەگاكانی هەردوو رێكخراوەكە لە تەكساس.
لەلایەن خۆیەوە رێكخراوی ئەنجوومەنی پەیوەندییەكانی ئەمریكا- ئیسلامی كە نزیكەی 30 لقی لەسەرانسەری ئەمریكادا هەیە كە لانی كەم سیانیان لەتەكساسن، سەركۆنەی بڕیارەكەی كردو بەبێ بنەما ناوی هێنا.
دانانی قەوارەكان لەلیستی " تیرۆر" لەئەمریكا لەدەسەڵاتی حكومەتی فیدراڵی ئەو وڵاتەدایە نەك ویلایەتەكان.