راچڵەكین -

بەبۆنەی ساڵیادی شەهیدبوونی فاتیمەی زەهرا، پارێزگاری كەركوك بڕیاریدا سبەینێ بكرێتە پشووی فەرمی لەسەرجەم ناوەندەكانی خوێندن و فەرمانگە حكومییەكانی پارێزگاكە.

بەگوێرەی راگەیەندراوێكی دیوانی پارێزگای كەركوك، رێبوار تەها، پارێزگاری كەركوك بڕیاریدا سبەینێ سێشەممە 25-11-2025، لە دیوانی پارێزگا و فەرمانگەكانی سەر بە پارێزگا بكرێتە پشووی فەرمی، جگە لە فەرمانگە خزمەتگوزارییەكان.

ئاماژە بەوەشكراوە، پشووەكە خوێندنگەكان و باخچەكانی ساوایانیش دەگرێتەوە، سەبارەت بە زانكۆ و كۆلێژ و پەیمانگاكان، سەرپشكن لەوەی بیكەن بە پشوو یان نا بەپێی هەڵسەنگاندنی خۆیان.

راگەیاندنی پشووەكەی سبەینێ بەبۆنەی ساڵیادی شەهیدبوونی فاتیمەی زەهرایە، كە بەو بۆنەیە لەچەندین پارێزگای دیكەی عیراق كراوەتە پشووی فەرمی.