راچڵەكین -
سەرۆكی رووسیا هەڵوێستی خۆی لەبارەی پلانەكەی سەرۆكی ئەمریكا بۆ كۆتتایی هێنان بە شەڕی ئۆكراینا ئاشكرا دەكات و رایدەگەیەنێت: دەكرێ ناوەڕۆكی پلانەكە بكرێتە بنەما بۆ رێككەوتن لە داهاتوودا.
ڤلادیمێر پوتین لە یەكەم لێدوانیدا لەبارەی پلانەكەی دۆناڵد ترەمپ بۆ گەیشتن بە رێككەوتن ئاشتی و كۆتایی هێنان بە شەڕی ئۆكراینا، رایگەیاند: بەشێوەیەكی گشتی رەزامەندین لەسەر خاڵ و بڕگەكانی ناو پلانەكە، كە دەكرێت بكرێتە بنەما بۆ هەر رێككەوتنێك لە داهاتوودا.
سەرۆكی رووسیا وتیشی:" بەر لە سەردانەكەم بۆ ئەمریكا، گفتوگۆی زۆرمان لەگەڵ دانوستانكارانی ئەمریكا كرد، دواتر پلانە 28 خاڵییەكەی ئەمریكای لێكەوتەوە، كە ناوەڕۆكەكەیمان بەدەستمان گەیشت و رەزامەندیشمان لەسەری دەربڕی".
پوتین ئاماژەی بەوەكرد كە هەفتەی داهاتوو شاندێكی ئەمریكا سەردانی مۆسكۆ دەكەن، رووسیاش ئامادەیە بۆ كاركردنی لێبڕاوانە لەپێناو گەیشتن بە رێككەوتنێكی كۆتایی لەپێناو كۆتایی هێنان بە جەنگی ئۆكراینا.