راچڵەكین -
پۆلیسی بەغدا دەستگیركردنی ئەو سێ تۆمەتبارەی راگەیاند كە بە تێزاب پەلاماری كچێكیان دابوو.
فەرماندەیی پۆلیسی ناوچەی كەرخ لە بەغدا، لە راگەیەندراوێكدا بڵاویكردەوە، دوای ئەوەی لەناوچەی حوریەی بەغدا كچێك لەكاتی لێخوڕینی ئۆتۆمبێلدان لەلایەن سێ كەسەوە پەلاماردەدرێت و تێزابی پێدادەكرێت، هێزەكانی پۆلیس لێكۆڵینوەكانیان دەستپێكرد و لە ماوەیەكی كەمدا توانییان هەرسێ تۆمەتبارەكە دەستگیر بكەن.
بەگوێرەی راگەیەندراوەكەی پۆلیسی كەرخ، لەمیانی لێكۆڵینەوەكاندا دەركەوتووە، یەكێك لە تۆمەتبارەكان، ماددەی تێزابی بە دەموچاوی كچەكەدا كردووە، تائێستاش هۆكاری تاوانەكە نەزانراوە، هیچ زانیارییەكیش لەبارەی تەندروستی كچە پەلاماردەرەكە ئاشكرا نەكراوە.