شایستەی دارایی بۆ دەرچوانی بەرنامەی تواناسازی خەرجدەكرێت

کوردستان

8 کاتژمێر پێش ئێستا     ژمارەی بینراو 161

راچڵەكین -

وەزارەتی خوێندنی باڵا و توێژینەوەی زانستی زیاتر لە 442 هەزار دۆلار بۆ (42) دەرچووی بەرنامەی تواناسازی خەرجدەكات و داواشیان لێدەكات لە رۆژی دوشەممەوە سەردانی وەزارەت بكەن بەمەبەستی وەرگرتنی چەكی پارەی شایستەی داراییەكانیان.

وەزارەتەكە لە راگەیەندراوێكدا بڵاویكردەوە، بە بڕیاری د. ئارام محەمەد قادر، وەزیری خوێندنی باڵا و توێژینەوەی زانستی و پاڵپشت بە نوسروای سەرۆكایەتی ئەنجومەنی وەزیران، بڕی 442 هەزار و 514 دۆلار بۆ (42) دەرچووی بەرنامەی تواناسازی خەرج دەكرێت.

لە راگەیەندراوەكەدا هاتووە، دەرچوانی تواناسازی ئەوانەی ناویان لە لیستی هاوپێچ هاتووە، پێویستە لە ڕێكەوتی (2025/12/1) بە دواوە سەردانی دیوانی وەزارەتی خوێندنی باڵاو توێژینەوەی زانستی/ بەڕێوەبەرایەتی تواناسازی، بكەن بەمەبەستی وەرگرتنی چەكی پارەی شایستەی دارایی بەپێی لینكی هاوپێچ كە بریتییە لە ناوی سودمەندان.

تێبینی؛
- دەرچووی تواناسازی پێویستە پاسۆرت (ئەسڵی و كۆپی) لەگەڵ خۆی بهێنێت. ئەگەر بریكارەكەی ئامادەبوو ئەوا پێویستە پاسیۆرت (ئەسڵی و كۆپی) كاندید و بریكارنامەكەی (ئەسڵی و كۆپی) لەگەڵ خۆی بهێنێت.

- رۆژی دوشەممە ڕێكەوتی (2025/12/1) سەردانی دیوانی وەزارەت/ بەڕێوەبەرایەتی تواناسازی بكەن.

- ناوەكان لە زنجیرەی (1) بە ناوی (احمد خالد عبدالهادی) دەستپێدەكات و لە زنجیرەی (42) بەناوی (دێرین محمود رشید) كۆتایی دێت.

- بۆ بینینی لیستی ناوەكان كلیك لەم بەستەرە بكە:

داگرتنی ئەپی راچڵەکین بۆ ئەندرۆید

داگرتنی ئەپی راچڵەکین بۆ ئایفۆن